جمعية مدرسي اللغة الامازيغية بالحسيمة تحتفل بـ "أسݣواس أماينو"

27 يناير 2025 - 18:14

بمناسبة الاحتفال بالسنة الأمازيغية الجديدة 2975، نظمت جمعية مدرسي اللغة الأمازيغية ـ فرع الحسيمة- والأستاذات والأساتذة المتدربين بالفرع الاقليمي لمهن التربية والتكوين بالحسيمة -تخصص اللغة الأمازيغية-، نشاطا ثقافيا وفنيا بمقر دار الشباب عبد الكريم الخطابي المتواجد بالحسيمة. تميز هذا الحفل بمشاركة فنانين بارزين من الاقليم ( السادة مصطفى سوليت، نعمان الحدادي، عماد الشمات، كريم المدشاري...) و الفنانة الصغيرة ممثلة المسرح المدرسي عن مؤسسة التفتح الفني والأدبي التلميذة جنات أشهبار و أساتذة باحثين عن فرع المركز الجهوي للتربية والتكوين (د.عبد الصمد المجوقي، د. مصطفى العقاد) ساهموا بشكل فعال في انجاحه. كما تميز ايضا بزيارة كل من المدير الإقليمي لوزارة التربية الوطنية و التعليم الأولي والرياضة السيد محسن المراحي، و رئيس مصلحة الشؤون التربوية بذات المديرية السيد سعيد الخطابي. دون أن ننسى العدد الوازن والمهم من الحاضرين/ات من الأساتذة و الأستاذات و عموم الفاعلين في المجتمع الذين شرفوا المناسبة بحضورهم الكريم.

اختتم الحفل بتوزيع بعض الجوائز والهدايا الرمزية وشواهد تقديرية على المشاركين/ات و المساهمين/ات في الحفل. ثم بعدها بتوزيع وتناول المأكولات التقليدية المميزة لعادات وتقاليد المجتمع الأمازيغي الضاربة في القدم على جميع الحضور المميز.

ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ  ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2975, ⵜⵙⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⵉⵎⴰ- ⴰⵢⵢⴰⵡ ⵏ ⵍⵃⵓⵙⵉⵎⴰ ⴷ  ⵜⵙⵍⵎⴰⴷⵉⵏ ⴷ ⵉⵙⵍⵎⴰⴷⵏ ⵉⵎⴰⵏⵓⵏⵏ ⵏ ⵜⵣⵓⵏⵉ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵡⴰⵢⵢⴰⵡ ⴰⵙⴳⴰⵡⴰⵏ ⵏ ⵡⴰⵎⵎⴰⵙ ⴰⵏⵎⵏⴰⴹ ⵏ ⵜⵡⵓⵔⵉⵡⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ -ⵍⵃⵓⵙⵉⵎⴰ, ⵉⵛⵜ ⵏ ⵜⵉⵍⴰⵍⵜ ⵜⴰⴷⵍⵙⴰⵏⵜ ⴷ ⵜⴰⵥⵓⵕⴰⵏⵜ ⴳ “ⵜⴰⴷⴷⴰⵔⵜ ⵉⵃⵓⴷⵔⵉⵢⵢⵏ ⵄⴱⴷⵍⴽⵔⵉⵎ ⵍⵅⵟⵟⴰⴱⵉ ⴳ ⵍⵃⵓⵙⵉⵎⴰ”. ⵜⴰⵎⵖⵔⴰ ⴰ, ⵜⴳⴳⴰ ⵉⵊⵊ ⵏ ⴷⴷⵔⵉⵣ  ⵉⵎⵖⴰⵔ ⴳ ⵜⵏⴷⵉⵏⵜ ⵏ ⵍⵃⵓⵙⵉⵎⴰ, ⵎⵉⵍⴰⵏ ⴳⵉⵙ ⴰⵟⵟⴰⵚ ⵏ ⵉⵙⵍⵎⴰⴷⵏ ⴷ ⵉⵎⵔⵣⵓⵜⵏ ⴷ ⵉⵏⴰⵥⵓⵕⵏ ⴷ  ⵉⵏⵍⵎⴰⴷⵏ ⴷ ⵎⴰⵕⵕⴰ ⵉⵏⵏⵉ ⵉⵜⵜⵔⵔⴰⵏ ⵜⴰⵢⵏⵉⵜ ⵉ ⵜⵎⴰⵣⵉⵖⵜ.

ⵙⵎⵓⵙⵙⵓⵏ ⵜⵉⵍⴰⵍⵜ ⴰ, ⵜⵉⵙⵍⵎⴰⴷⵉⵏ ⴷ ⵉⵙⵍⵎⴰⴷⵏ  ⵉⵎⴰⵏⵓⵏⵏ   ⴳ ⵡⴰⵎⵎⴰⵙ ⴰⵏⵎⵏⴰⴹ -ⴰⵢⵢⴰⵡ ⵏ ⵍⵃⵓⵙⵉⵎⴰ “ⵃⵎⵣⴰ ⵍⴰⵥⵕⴰⵇⵉ.” ⴷ “ⵙⴰⵏⴰ ⵎⵄⴰⵣ”. ⵙⵙⵓⴳⵓⵔⵏ ⵜⴰⵎⵖⵔⴰ ⴰ, ⵙ ⵢⵉⵛⵜ ⵏ ⵜⴱⵔⵉⴷⵜ ⵜⵛⵏⴰ ⴰⵟⵟⴰⵚ ⵙ ⵓⴹⴼⵕ ⵏ ⵓⵖⴰⵡⴰⵙ ⵏ ⵜⵉⵍⴰⵍⵜ. ⵜⵜⵡⴰⴳⴳⵏⵜ ⴰⵟⵟⴰⵚ ⵏ ⵜⵉⵍⴰⵍ ⵜⵉⵎⵢⴰⵏⴰⵡⵉⵏ ⵜⵉⴷⵍⵙⴰⵏⵉⵏ ⴷ ⵜⵉⵏⴰⵥⵓⵕⵉⵏ:

1. ⵜⵜⵡⴰⵙⵏⵜⴰ ⵜⵉⵍⴰⵍⵜ ⴰ, ⴳ ⵓⵎⵣⵡⴰⵔⵓ ⵙ  ⵜⴳⵓⵔⵉ ⵏ ⵓⴳⵎⴰⵏ ⵏ  ⵜⵎⵙⵎⵓⵏⵜ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⵉⵎⴰ- ⴰⵢⵢⴰⵡ ⵏ ⵍⵃⵓⵙⵉⵎⴰ,  ⴰⵙⵍⵎⴰⴷ “ⵉⵍⵢⴰⵙ ⵍⵃⴰⵊⵊⵉ”. ⵉⵙⵙⵉⵡⵍ ⵅⴼ ⵓⵙⴳⴳⵯⴰⵙ ⴰ, ⵉⵙⵏⵉⵎⵎⵔ  ⵎⴰⵕⵕⴰ ⵉⵎⵉⵍⴰⵏⵏ ⴷ ⵎⴰⵕⵕⴰ  ⵉⵏⵏⵉ ⵉⴳⴳⵉⵏ ⴰⴼⵓⵙ ⵏⵏⵙⵏ ⴳ ⵜⵉⵍⴰⵍⵜ ⴰ ⵜⴰⵎⵇⵇⵔⴰⵏⵜ.

2. ⴰⵎⵣⴷⴰⵢ ⵏ ⵜⵣⵓⵏⵉ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵡⴰⵎⵎⴰⵙ ⴰⵏⵎⵏⴰⴹ ⵏ ⵜⵡⵓⵔⵉⵡⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⵉⵎⴰ -ⴰⵢⵢⴰⵡ ⴰⵙⴳⴰⵡⴰⵏ ⵍⵃⵓⵙⵉⵎⴰ “ⵎⵚⵟⴰⴼⴰ ⵍⵄⵇⵇⴰⴷ”, ⵉⵡⵛⴰ ⵜⴰⴳⵓⵔⵉ ⵏⵏⵙ, ⵉⵙⵙⵉⵡⵍ ⵅⴼ ⵓⵙⴳⴳⵯⴰⵙ ⴰⵎⴰⵣⵉⵖ, ⵉⵜⵜⵔ ⴰⴷ ⵇⵇⵉⵎⵏⵜ ⵜⵣⵎⵎⴰⵔ ⴰ ⵉ ⵍⴱⴷⴰ, ⴳ ⵓⵎⴳⴳⴰⵔⵓ ⵏ ⵡⴰⵡⴰⵍ ⵏⵏⵙ  ⵉⵙⵏⵉⵎⵎⵔ ⵜⴰⵎⵙⵎⵓⵏⵜ ⴷ ⵉⵙⵍⵎⴰⴷⵏ ⵉⵎⴰⵏⵓⵏⵏ ⴷ ⵎⴰⵕⵕⴰ ⵉⵏⵏⵉ ⵉⴳⴳⵉⵏ ⵜⵉⵍⴰⵍⵜ ⴰ.

3. ⵉⵜⵜⵡⴰⵙⴼⵙⵔ ⵉⵊⵊ ⵏ ⵓⵙⴰⵔⵓ ⵓⵏⵏⵉⵖ ⴷ ⴰⵇⵓⴹⴰⴹ, ⵉⵙⵙⴰⵡⴰⵍ ⵅⴼ ⵓⵙⴳⴳⵯⴰⵙ ⴰⵎⴰⵣⵉⵖ.

4. ⵎⵉⵏ ⴷ ⵢⵓⵙⴰⵏ ⴳ ⵓⵙⴰⵔⵓ ⴰ ⵓⵏⵏⵉⵖ, ⵉⵔⵏⵉ ⵉⵙⵙⵉⵡⵍ ⵅⴰⴼⵙ ⴰⵟⵟⴰⵚ ⵓⴷⵓⴽⵜⵓⵕ “ⵄⴱⴷⵚⵚⴰⵎⴰⴷ ⵍⵎⵊⵊⵓⵇⵉ” ⴰⵙⵍⵎⴰⴷ ⴳ ⵡⴰⵎⵎⴰⵙ ⴰⵏⵎⵏⴰⴹ-ⴰⵢⵢⴰⵡ ⴰⵙⴳⴰⵡⴰⵏ ⵍⵃⵓⵙⵉⵎⴰ. 

5. ⵜⵜⵡⴰⴳⴳ ⵉⵛⵜ ⵏ ⵜⴳⵟⵟⵓⵎⵜ ⵏ ⵓⵥⴰⵡⴰⵏ, ⴳⴳⵉⵏⵜ ⵉⵏⴰⵥⵓⵕⵏ “ⵏⵓⵄⵎⴰⵏ ⵍⵃⴷⴷⴰⴷⵉ” ⴷ “ⵄⵉⵎⴰⴷ ⵛⴰⵎⴰⵜ”, ⵖⵏⵏⵊⵏ ⵉⵖⵏⵏⵉⵊⵏ ⵛⵏⴰⵏ ⴰⵟⵟⴰⵚ !

6. ⵙⴳ ⵓⵎⴰⴹⴰⵍ ⵏ ⵓⵥⴰⵡⴰⵏ ⵖⵔ ⵓⵎⴰⴹⴰⵍ ⵏ ⵓⵎⵣⴳⵓⵏ, ⵜⴰⵏⵍⵎⴰⴷⵜ “ⵊⴰⵏⵏⴰⵜ ⴰⵛⵀⴱⴰⵕ” ⵉⵇⵇⴰⵔⵏ ⴳ ⵜⵎⵔⵙⵍⵜ ⵏ ⵓⵏⵓⵕⵥⵎ ⵏ ⵜⵥⵓⵕⵉ ⴷ ⵜⵙⴽⵍⴰ ⴳ ⵍⵃⵓⵙⵉⵎⴰ(ⵜⴰⵙⴰⵡⵔⵜ ⵏⵓⵎⵣⴳⵓⵏ). ⵜⵍⵍⵙ ⵜⴰⵏⴼⵓⵙⵜ “ⵉⴽⴼⴰⵔ ⴰⵏⴰⵥⵓⵕ” ⵙ ⵢⵉⵛⵜ ⵏ ⵜⴱⵔⵉⴷⵜ ⵜⵛⵏⴰ ⴰⵟⵟⴰⵚ ! ⵎⴰⵕⵕⴰ ⵎⵔⴰⵔⴰⵏ ⴰⴽⵉⴷⵙ.

8. ⵏⴷⵡⵍ ⴷ ⵖⵔ ⵢⵉⴳⵔ ⵏ ⵓⵥⴰⵡⴰⵏ, ⵜⵡⴰⵍⴰⵜ ⴰ ⴰⴽⴷ ⵉⵏⴰⵥⵓⵕⵏ “ⵎⵚⵟⴰⴼⴰ ⵙⵓⵍⵍⵉⵜ” ⴷ “ⴽⴰⵔⵉⵎ ⵍⵎⵏⵛⴰⵕⵉ”, ⵖⵏⵏⵊⵏ  ⵉⵖⵏⵏⵉⵊⵏ ⵚⴱⵃⵏ ⴰⵟⵟⴰⵚ! ⵇⵇⵉⵎⵏ  ⵉⵎⵉⵍⴰⵏⵏ  ⵎⴰⵕⵕⴰ ⵜⵜⴰⵍⵍⵙⵏ ⴰⵙⵏ. 

9. ⵏⵇⵇⵉⵎ ⴳ ⵢⵉⴳⵔ ⴰ, ⵜⵡⴰⵍⴰⵜ ⴰ ⴰⴽⴷ ⵓⵏⴰⵥⵓⵕ “ⵏⴰⴱⵉⵍ ⴰⵎⵡⴰⵊ” ⵏⵏⵉ ⵉⵖⵏⵏⵊⵏ ⵉⵖⵏⵏⵉⵊⵏ ⵛⵏⴰⵏ! ⵎⵔⴰⵔⴰⵏ ⴰⴽⵉⴷⵙⵏ ⵉⵎⵉⵍⴰⵏⵏ ⵎⴰⵕⵕⴰ.

10. ⵜⵜⵡⴰⴱⴹⴰⵏ ⵉⵙⵍⴽⵉⵏⵏ ⵏ  ⵓⵙⵎⵖⵔ  ⵅⴼ ⵎⴰⵕⵕⴰ ⵉⵏⵏⵉ ⵢⴰⵎⵓⵏ ⴷ ⵢⵏⵏⵉ ⵉⴳⴳⵉⵏ ⴰⴼⵓⵙ ⵏⵏⵙⵏ ⴳ ⵜⵉⵍⴰⵍ ⴰ, ⴷ ⵢⵏⵏⵉ ⵓⵎⵉ ⵜⵜⵡⴰⵙⵙⴽⴽⵏⵜ ⵜⵖⵓⵔⵉⵡⵉⵏ.

11. ⵜⵜⵡⴰⵙⵏⴼⴰⵔⴰⵔ ⵜⵉⵍⴰⵍⵜ ⴰ ⵜⴰⵎⵇⵇⵔⴰⵏⵜ, ⵙ ⵎⴰⵛⵛⴰⵜ ⵜⵉⵡⵔⴳⵍⵉⵏ(ⵜⵉⵖⵡⴰⵡⵉⵏ, ⵜⴰⵖⵢⴰⵢⵜ, ⵜⴰⵣⴰⵔⵜ ⵢⵓⵥⵥⵖⵏ, ⴰⵖⵉ...).

ⵉⵜⵜⵡⴰⵙⴼⵙⵔ ⵉⵊⵊ ⵏ ⵓⵙⴼⵙⵔ ⵏ ⵓⴷⵍⵉⵙ ⴷ ⵡⴰⵢⴷⴰ ⴰⵎⴰⵣⵉⵖ, ⴳⵉⵙ ⵉⴷⵍⵉⵙⵏ ⵏ ⵜⵎⴰⵣⵉⵖⵜ ⴷ ⵉⵎⴰⵙⵙⵏ ⵉⵣⴰⵢⴽⵓⵜⵏ ⵏ ⵉⵎⴰⵣⵉⵖⵏ ⵏ ⴰⵔⵉⴼ,  ⵙⵙⵛⵏⵏ ⵜⵉⵍⴰⵍⵜ ⴰ ⴰⵟⵟⴰⵚ!!

- ⵜⵉⵍⴰⵍⵜ ⴰ, ⴷ ⵢⵉⵛⵜ ⵏ ⵜⵎⵙⴰⵔⵜ ⵜⴰⵎⵇⵇⵔⴰⵏⵜ ⴰⵡⴷ, ⵙⵙⵎⵖⵔⵏ ⴳⵉⵙ ⵜⵉⵙⵍⵎⴰⴷⵉⵏ ⴷ ⵉⵙⵍⵎⴰⴷⵏ ⵉⵎⴰⵏⵓⵏⵏ ⴰⵙⵍⵎⴰⴷ ⵏⵏⵙⵏ ⴰⴷⵓⴽⵜⵓⵕ "ⵢⵓⵏⵙ ⵍⵓⴽⵉⵍⵉ" ⵙ ⵜⵎⵍⴷⴰ ⵏ ⵓⵎⵓⵔⵙ ⵏⵏⵙ ⴳ ⵓⵎⵃⵉⵣⵡⴰⵔ ⵏ ⵓⵙⵍⵎⴷ ⴰⵏⴰⴼⵍⵍⴰ ⴳ ⵜⵙⴷⴰⵡⵉⵜ ⵏ ⵓⴳⵍⵍⵉⴷ ⴼⴰⵀⴷ ⵟⴰⵏⵊⴰ- ⵜⵥⵍⴰⵢⵜ: ⵜⴰⵙⵓⵖⵍⵜ ⵜⴰⵎⴰⵣⵉⵖⵜ ⵜⴰⵄⵕⴰⴱⵜ ⵜⴰⴼⵕⴰⵏⵚⵉⵚⵜ.

ⵜⴰⵏⵎⵎⵉⵔⵜ ⴰⵟⵟⴰⵚ ⵉ ⵓⵏⵎⵀⴰⵍ ⴰⵙⴳⴰⵡⴰⵏ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⴳ ⵍⵃⵓⵙⵉⵎⴰ, ⴷ ⵓⵎⵖⴰⵔ ⵏ ⵜⵏⴰⴼⵓⵜ ⵏ ⵉⵙⴽⴽⵉⵏⵏ ⵏ ⵓⵙⴳⵎⵉ, ⴷ ⵓⵏⵎⵀⴰⵍ ⵏ ⵜⵎⵔⵙⵍⵜ ⵏ ⵓⵏⵓⵕⵥⵎ ⵏ ⵜⵥⵓⵕⵉ ⴷ ⵜⵙⴽⵍⴰ ⴳ ⵍⵃⵓⵙⵉⵎⴰ, ⴷ ⵉⵙⵍⵎⴰⴷⵏ ⵏ ⵡⴰⵎⵎⴰⵙ ⴰⵏⵎⵏⴰⴹ-ⴰⵢⵢⴰⵡ ⵏ ⵍⵃⵓⵙⵉⵎⴰ ⵉ ⴷ ⵉⵔⵣⴼⵏ ⵖⴰⵔⵏⵖ..

ⵜⴰⵏⵎⵎⵉⵔⵜ ⴰⵟⵟⴰⵚ ⴰⵡⴷ, ⵉ ⵓⵏⵎⵀⴰⵍ ⴰⵙⴳⴰⵡⴰⵏ ⵏ ⵜⵎⴰⵡⴰⵙⵜ ⵏ ⵉⵃⵓⴷⵔⵉⵢⵢⵏ ⴳ ⵍⵃⵓⵙⵉⵎⴰ, ⵏⵏⵉ ⴷ ⴰⵏⵖ ⵢⵡⵛⵉⵏ ⴰⴷⵖⴰⵔ ⵎⴰⵏⵉ ⵏⴳⴳⴰ ⵜⵉⵍⴰⵍⵜ ⴰ “ⵜⴰⴷⴷⴰⵔⵜ ⵉⵃⵓⴷⵔⵉⵢⵢⵏ ⵄⴱⴷⵍⴽⵔⵉⵎ ⵍⵅⵟⵟⴰⴱⵉ”.

ⴳ ⵓⵎⴳⴳⴰⵔⵓ, ⵜⴰⵎⵙⵎⵓⵏⵜ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ-ⴰⵢⵢⴰⵡ ⵏ  ⵍⵃⵓⵙⵉⵎⴰ  ⴷ ⵉⵙⵍⵎⴰⴷⵏ ⵉⵎⴰⵏⵓⵏⵏ,  ⵙⵏⵉⵎⵎⵉⵔⵏ ⵎⴰⵕⵕⴰ ⵉⵏⵏⵉ ⵢⴰⵎⵓⵏ ⴷ ⵢⵏⵏⵉ ⵉⵎⵉⵍⴰⵏ ⴳ ⵜⵉⵍⴰⵍⵜ ⴰ. ⵙⵙⵉⵜⵉⵎⵏ ⴰⴷ ⵎⵙⴰⴳⴰⵔⵏ ⴰⴽⵉⴷⴽⵓⵎ  ⵎⴰⵕⵕⴰ  ⴷⵉ ⵍⴰⴷⴰⵙ ⴳ ⵛⴰ ⵏ ⵜⵉⵍⴰⵍⵜ ⵜⴰⵙⴳⵎⴰⵏⵜ ⵏⵏⵉⴹⵏ.

متابعة

• أخبار 24 ساعة

• المواضيع الأكثر مشاهدة